martes, 6 de marzo de 2012
martes, 28 de febrero de 2012
lunes, 16 de enero de 2012
LAN MODULARRA: IRAGARKIA
Lortutako emaitzak oso harrera ona izan du gure inguruan. Ikaskideengandik oso kritika onak jaso ditugu eta unibertsitateaz kanpoko lagunei ere asko gustatu zaie. Askok esan digute iragarkia oso originala eta dibertigarria dela. Youtubeko orrialdean 270 erreprodukzio inguru izan ditu eta horri sare sozialetan izan dituen erreprodukzioak gehitu behar zaizkio.
Egin dugun lana errepikatzeko modukoa dela iruditzen zaigu, nahiko lan dibertigarria izan da eta emaitza oso politak lortu ditugula iruditzen zaigu. Hala ere, berriro lan hau egitekotan moduluko tutore guztiek euren taldeen lanak irizpide berdinen arabera ebaluatzea komeniko litzateke. Lan honetan iruditzen zaigu zenbait taldek egokitu zaien tutorearen irizpideetara egokitu dutela euren lana eta ez dutela askatasunik izan nahi zutena egiteko. Tutoreek irizpide ezberdinen arabera ebaluatzeak lanerako askatasuna mugatzeaz gain, talde guztiak baldintza berdinetan egotea eragotzi du gure ustez.
jueves, 12 de enero de 2012
ESKOLA ETA IKT ak
Egun bizi garen informazioaren gizarteak alde onak eta txarrak ditu. Gure ustez alde onen artean aipatu beharra dago IKTak hezkuntzara sartu izana.
IKTak eskoletara sartzeak hainbat proiektu martxan jarri eta hainbat neurri hartzearen beharra sortu du Europa mailan, Espainia mailan eta EAE mailan. Urteetan zehar martxan jarri diren proiektuak eta hartu diren neurriak ikusirik EAE-k Europa eta Espainian martxan jarri diren proiektuez gain autonomia erkidegora hobeto egokitzen diren beste neurri batzuk hartu direla ikus dezakegu eta hori azpimarratzekoa iruditzen zaigu.
IKTak eskolara sartzean hezkuntzan hainbat aldaketa sortu dira: metodologia, komunitateako kideen arteko harremanak, gelen antolamendua, materiala… Horrez gain, ikastetxeen administrazio, antolamendu eta kudeaketan ere aldaketak eragin ditu. Hori dela eta, irakasleek jaso beharreko formazioan IKTei loturiko konpetentzia berri bat sartu da, izan ere, egungo irakasleek IKTen onurak jasotzeko haiek behar bezala erabiltzen jakin behar dute eta, horretarako, teknologiaren etengabeko aurrerapenera moldatzeko etengabeko prestakuntza behar dute.
viernes, 16 de diciembre de 2011
jueves, 15 de diciembre de 2011
miércoles, 14 de diciembre de 2011
Ikaskuntza Eskenatokia: Gela eta IKTak
Orain arte ez genuen Hezteko Objektu Digitalen inguruko berririk. Ez genekien nola eginak zeuden eta ez genekien guzti horren atzean zegoen lana hainbestekoa zenik. Lehen Hezkuntza egin genuen garaietan ez genuen HOD-rik erabiltzen baina, DBH hezkuntzan erabili izan ditugu ingeleseko orduetan. Gure praktika aldietan ere ez dugu baliabide honen erabilpenik ikusi eta egungo Lehen Hezkuntzan presenteago egon beharko litzatekeela deritzogu.
Gure ustez, Hezteko Objektu Digitalak oso baliabide egokiak dira Lehen Hezkuntzako irakaskuntza ikaskuntza prozesurako. Irakasgai guztietan oso erabilgarriak izan daitezke edozein gain lantzeko, eta are erabilgarriagoak aurrez landutako gaiak errepasatzeko. Bestetik, uste dugu, irakasleak Objektu Digitalen artean egin beharreko aukeraketa funtsezkoa dela, beharrezkoa baita Objektu Digitalaren ezaugarriak ikastaldearen beharrekin bat etortzea. Horrez gain, Hezteko Objektu Digitalek ikasteko modu ezberdin bat eskaintzen dutela deritzogu, haurrentzat interesgarriagoa eta dibertigarriagoa suertatu daitekeena.
Bestetik, irakasle guztiek Hezteko Objektu Digitalak egiten jakin beharko luketela iruditzen zaigu. Horrela, objektu digitala ikastalde jakin batentzat egokitua izango da, alegia, Hezteko Objektu Digitala ikastaldeak landu duenarekin, ikastaldearen gaitasunekin eta beharrekin bat etorriko da.
Hezteko Objektu Digital bat produzitzeko egokitu zaigun egile tresna “Ardora” izan da. Egia esan, egile tresna honek hainbat gabezia dituela iruditzen zaigu, izan ere, errez blokeatzeaz gain hainbat arazo eman dizkigu Hezteko Objektu Digitala sortu eta gordetzerako garaian. Honenbestez, beste taldeen lana ikusirik, uste dugu “Ardora” baino egile tresna egokiagoak badaudela.
viernes, 9 de diciembre de 2011
domingo, 4 de diciembre de 2011
LANKIDETZA IKASKUNTZA
Lankidetzari dagokionez iruditzen zaigu lankidetza dela irakaskuntza ikaskuntza prozesurako metodorik egokiena. Batetik, metodo honen bitartez ikasleak bere ezagutzei buruz hausnartzeaz gain bere ideiak besteei adierazten ikasten du eta baita besteen ideiak entzun , errespetatu eta haiei buruz hausnartzen ere. Bestetik, eskolan lankidetzan lan egiten ikasteak izugarrizko garrantzia duela uste dugu, izan ere, Lehen Hezkuntza baino aurreragoko ikasketetan eta egungo lan munduan egundoko garrantzia du taldean lan egiten jakiteak.
Lankidetza errazten duten tresna teknologikoen inguruan ondorioztatu dugu irakasleak IKT ei buruzko prestakuntza bat jasotzea ezinbestekoa dela, izan ere, horrek bere lana hobeto eta errazago burutzea ahalbidetuko dio. Prestakuntza horren bidez multialfabetizazioa osatzen duten alfabetizazio ezberdinak menperatu beharko ditu eta ezagutza horiek transmititzen jakin beharko du.
Egin dugun lanean lankidetza errazten duten tresna teknologikoen barruan berebiziko garrantzia eman diogu web 2.0 delakoari. Eguneroko bizitzan internet sarri erabiltzen dugun tresna den arren ez gara jabetu tresna honek izan duen eraldaketaz orain arte. Honekin argi geratzen da, berriro ere, teknologiak erabat berritzen doazela eta haietara egokitu beharra dugula hori dela eta berritze guneek egiten duten lana aipatzekoa iruditzen zaigu, izan ere, beraien laguntzarik gabe ezinezkoa izango litzateke. Gainera, Web 2.0k eskaintzen dituen hainbat zerbitzu ez genituen ezagutzen orain arte eta oso baliagarriak iruditu zaizkigu gure etorkizuneko lanbiderako. Adibide bat jartzearren esaterako klasean bakoitzari Web 2.0 ko zerbitzu bat azaltzea egokitu zitzaigunean guri mapen aplikazioa tokatu zitzaigun, guretzat guztiz berria eta arrotza zen gaia. Baina arakatzen ibili ondoren gure lanbide honetan klase magistralen monotonia hausteko oso egokiak iruditu zaizkigu modu honetan ikasleek modu arin eta entretenituago batean mapen inguruan gauza asko ikas ditzaketelako.
Web 2.0 ren barruan aipatu ditugun zerbitzu horien artean koziente gara guztiak ez daudela Lehen Hezkuntzako ikasleentzat eginak eta ez direla egokiak euren lanak burutzeko. Hala ere, tresna horietako guztiak egokiak dira irakasleentzat, hezkuntza komunitateko kideen arteko harremana hobetzeko, irakaslearen lana errazteko, irakaslearen gelako jarduna hobetzeko, …
Lehenago aipatu dugun arren, garrantzitsua iruditzen zaigu azpimarratzea irakaslearen prestakuntza etengabea izan behar dela, izan ere, informazioaren gizarte honetan teknologia etengabe doa berritzen eta berrikuntza horietara egokitu behar du irakasleak atzera gelditu nahi ez badu.
viernes, 2 de diciembre de 2011
ZEIN TRESNAK LAGUNTZEN DUTE LANKIDETZAN
- Korreo elektronikoa
- Bloga
- Sare sozialak
- Bat bateko mezularitza
- Bideo konferentziak
- Sakelekoak
- Ofimatika aplikazioak
- Artxiboak partekatzeko zerbitzuak
- USB memoria
- Sare lokalak
- Testuinguru birtualak (LMS): moodle, e-kasi
- Eztabaida guneak
- Ordenagailua
- Ordenagailu eramangarria (netbook)
- Internet
- Webcam
- Arbel digital elkarreragileak
- Mikrofonoak
- Argazki-bideo kamara
- Irudiak gorde eta tratatzeko zerbitzuak: micasa
- Egutegiak konpartitzeko zerbitzua
- Web 2.0
INFORMAZIOAREN GIZARTEA
Informazio gizartearen ezaugarriak. Abantailak eta desabantailak:
DESABANTAILAK:
- Aurre-aurreko komunikazioaren galera.
- Informazio kantitate handiak konfusioak sortzen ditu.
- Kulturen arteko aldeak handitu.
- Teknologiarekiko menpekotasun handiagoa.
- Pribatutasun gutxiago, inkontrolatuagoak gaude.
- Uniformismo eta globalizazio kulturala
- Informazioa eskura izatea.
- Komunikazio konstantea.
- Informazioa guztion esku.
- Sare sozialen erabilera.
- Ongizate materiala = bizitza errazagoa.
- Informazio kantitate handiak.
- Kultura konplexuagoa.
EZAUGARRIAK:
- Teknologia digital ugari.
- Kodifikazio forma berriak.
- Informazioa lortzeko erraztasuna = informazioa eskuragarri
- Sare sozialen presentzia.
- Kultura globalizazioa.
- Komunikazio forma berriak.
- Lanpostu berriak sortu eta beste batzuk desagertu.
jueves, 20 de octubre de 2011
EGILE TRESNAK
Hezteko objektu digitalak gure jarduera elkarreragile propioak (OA) eta Unitate Didaktiko digital elkarreragile propioak (SD) sortzeko aplikazioak dira. Horiek, ikaskuntza testuinguru dinamikoa sortzera bideratuak dauden multimedia lanak dira eta konstruktibismoaren printzipioak jarraitzen dituzte.
ADIBIDEAK:
· HOT POTATOES
Hot potatoes hezkuntza ariketak sortzeko sistema bat da. Programa honek erantzun laburreko, aukera anitzeko, hutsuneak betetzeko eta kruzigramak egiteko ariketak ditu.
· THE MATH WORKSHEET
Web horrialde hau batez ere matematika arloa lantzeko erqabilgarria da, bertan eragiketa ezberdinak landu ditzakegu: batuketak, kenketak, zatiketak, biderketak eta ordularia. Hoetaz gain zuk nahi dituzun ariketak sortu ditzakezu ikasle bakoitzaren beharretara egokituak.
· WEBARDORA
Ardora irakasleentzako informatika aplikazioa da, edonork bere ikasleentzako html formatuan nahi dituen ariketak sortzeko aukera ematen duena. Ardorarekin, 45 ariketa ezberdin baino gehiago sortu daitezke, hizki zopak, ordulariak, panel grafikoak, gurutzegramak…Honetaz gain ebaluatu egin daiteke ere.
· CUADERNIA
Hezkuntza komunitateak eskuragarri duen herraminta da, koaderno digitalak sortzea ahalbidetzen duena. Kodernoak informazioa artxibatzeko eta jarduera multimediak burutzeko balio dute.
· WEBQUEST
WebQuesta pentsamendu goreneko prozesuak sortzen dituen jarduera atsegin baten inguruan sortzen da. Pentsamendua sortzailea, kritikoa, problemen ebazpenetan edo, iritzi, laburpen edo analisien azalpenenetan oinarritua izan daiteke
· CONSTRUCTOR
Hezkuntzarekin lotutako eduki digitalak sortzeko beste tresna bat da. 47 ariketa mota daude bertan, hala nola, hitzen diktaketak, puzzleak, buruhausteak, letra zopak...Unitate didaktikoak sortzeaz gain, ebaluatzeko aukera ere ematen du.
· JCLIC
Jarduera multimedien sortzea, errealizazioa eta ebaluazioa egiteko gunea. Buruhausteak, loturak, testu ariketak… egiteko balio du.
· EGILE
Eusko Jaurlaritzak sortutako egile tresna da, lanbide heziketako hezteko objektu digitalak sortzeko
· SQUEAK
http://squeak.org/
Programazioaren inguruko ezagutzarik eduki gabe multimedia edukiak garatu daitezkeen tresna da. Aurkezpenak lantzeko, animazioak gehitzeko eta edozein motatako artxiboak moldatzeko aukera ematen du.
· EDILIM
http://www.educalim.com/descargas.htm
Programa hezitzaileak sortzeko ingurunea da, soilik ordenagailura artxibo batzuk deskargatzea eskatzen duena. Honek, liburuak eta ariketa interaktiboak (buruhausteak, letra zopak…) sortzea ahalbidetzen du. Era berean, azalpenezko orrialdeak eta aurkezpenak eratzeko erabil daiteke.
· EGILE
Eusko Jaurlaritzak sortutako egile tresna da, lanbide heziketako hezteko objektu digitalak sortzeko
· SQUEAK
http://squeak.org/
Programazioaren inguruko ezagutzarik eduki gabe multimedia edukiak garatu daitezkeen tresna da. Aurkezpenak lantzeko, animazioak gehitzeko eta edozein motatako artxiboak moldatzeko aukera ematen du.
· EDILIM
http://www.educalim.com/descargas.htm
Programa hezitzaileak sortzeko ingurunea da, soilik ordenagailura artxibo batzuk deskargatzea eskatzen duena. Honek, liburuak eta ariketa interaktiboak (buruhausteak, letra zopak…) sortzea ahalbidetzen du. Era berean, azalpenezko orrialdeak eta aurkezpenak eratzeko erabil daiteke.
Suscribirse a:
Entradas (Atom)